Aston Villa បានព្រមព្រៀងដើម្បីចុះកិច្ចសន្យាខ្ចីអ្នកចាំទី Pepe Reina ពី AC Milan រហូតដល់ចប់រដូវកាល២០១៩-២០។
អតីតសមាជិក Barcelona, Liverpool, Napoli វ័យ៣៧ឆ្នាំរូបនេះ នឹងមកដល់អង់គ្លេសនៅថ្ងៃចន្ទដើម្បីតេស្តសុខភាព និងពិភាក្សាលក្ខខណ្ឌផ្ទាល់ខ្លួន។

Aston ចង់ថែមជម្រើសអ្នកចាំទីមកក្នុងក្រុម បន្ទាប់ពី Tom Heaton របួសសរសៃពួរជង្គង់ ត្រូវសម្រាកដល់ចប់រដូវកាល។ Jed Steer ដែល​ជា​ដៃទី​១​របស់ Aston កាល​នៅ Championship ក៏​រង​របួស​ដែរ​។
Reina ក៏ធ្លាប់លេងឱ្យ Villarreal និង Bayern Munich ផងដែរ។ គេធ្លាប់ឈ្នះពានស្រោមដៃមាស Premier League ៣រដូវកាល និងបានលើកពាន FIFA World Cup 2010 ព្រមទាំង Euro 2008 និង 2012 ជាមួយអេស្ប៉ាញ៕